فحص سرعة متجرك بالعربي البسيط.
نفس فحص جوجل، لكن بشرح عربي واضح: وش يبطئ صفحتك، وكم ثانية تخسر، وكيف تصلحها في سلة وزد وشوبيفاي.
- جوجل يفتح الصفحة على جوال وكمبيوتر
- يقيس متى يظهر المحتوى ومتى تستجيب الصفحة
- يحلل الصور والملفات اللي تبطئها
- أجهز لك التقرير بالعربي
الفحص ياخذ عادةً بين 20 و40 ثانية
افحص الصفحة الرئيسية، وجرّب بعدها صفحة منتج وصفحة تصنيف لأنها غالباً الأثقل.
نتيجة الفحص
قياسات الفحص
وش يبطئ صفحتك؟ (مرتبة من الأهم)
كيف شافها جوجل
النتيجة تتغير شوي من فحص لفحص، هذا طبيعي. ركّز على المشاكل اللي تتكرر.
كل ثانية تأخير تكلفك عملاء
جوجل يستخدم سرعة الصفحة وتجربة الزائر ضمن عوامل الترتيب، والعميل اللي ينتظر كثير يطلع ويشتري من منافسك.
LCP: ظهور المحتوى الرئيسي
الوقت لين تظهر أكبر صورة أو نص في الصفحة. المطلوب أقل من 2.5 ثانية.
INP: سرعة الاستجابة
كم تتأخر الصفحة لما يضغط الزائر زر أو يفتح قائمة. المطلوب أقل من 200 جزء من الثانية.
CLS: ثبات الصفحة
هل العناصر تتحرك وتنط وهي تحمّل؟ المطلوب أقل من 0.1، عشان ما يضغط العميل على شي غلط.
أسئلة عن سرعة الموقع
ليش نتيجة الجوال أقل من الكمبيوتر؟
جوجل يفحص الجوال على جهاز متوسط وإنترنت أبطأ، عشان يمثل أغلب الزوار. وجوجل يعتمد نسخة الجوال في الترتيب، فركّز عليها.
وش الفرق بين تجربة الزوار الحقيقيين وقياسات الفحص؟
تجربة الزوار الحقيقيين بيانات جمعها جوجل من زوار موقعك خلال آخر 28 يوم، وهي اللي تأثر على الترتيب. وقياسات الفحص تجربة وحدة الحين تساعدك تعرف المشاكل. المواقع الصغيرة أحياناً ما يكون لها بيانات زوار كافية.
متجري على سلة أو زد، أقدر أصلح هالمشاكل؟
جزء كبير بيدك: حجم الصور ونوعها، وعدد التطبيقات والإضافات، والفيديوهات والسلايدرات في الرئيسية. والجزء التقني مثل السيرفر وملفات المنصة مسؤولية المنصة نفسها.
هل لازم أوصل 100؟
لا. الأهم إن تجربة الزوار الحقيقيين تكون "جيدة" في المقاييس الثلاثة. أغلب المتاجر الناجحة نتيجتها على الجوال بين 50 و80.
السرعة نص القصة. الباقي سيو.
بعد ما تسرّع متجرك، خلّه يظهر للناس اللي يدورون عليه: أجهز عناوين ووصف وروابط ونصوص الصور لكل صفحاتك، مع تقرير وعيّنة قبل البدء.