وش حالة روابط متجرك فعلاً؟
حط روابطك، وأتتبع لك كل رابط خطوة بخطوة: كود الحالة، والتحويلات اللي يمر فيها، ووين يوصل في الأخير. لين 50 رابط في المرة الواحدة، مجاناً وبدون تسجيل.
كل رابط في سطر. تقدر تنسخها من خريطة الموقع أو من تقرير Search Console.
نقلت متجرك أو غيّرت روابطه؟ اكتب في كل سطر الرابط القديم، ثم مسافة، ثم الرابط الجديد اللي المفروض يوصل له: old.com/p1 new.com/oud
أفحص لك أربع نسخ من الدومين (http وhttps، مع www وبدونها) وأتأكد إنها كلها توصل لنسخة وحدة.
مشاكل روابط ما تشوفها وأنت تتصفح متجرك
المتصفح يتبع التحويلات بصمت ويوريك الصفحة الأخيرة بس. الأداة توريك كل خطوة في الطريق، مثل ما يمشيها جوجل.
الروابط المعطلة
صفحات منتجات حذفتها أو غيّرت رابطها، وما زالت روابطها في جوجل أو في متجرك وتودي العميل لصفحة خطأ.
سلاسل التحويل
رابط يحوّل لرابط، اللي يحوّل لرابط ثالث. كل خطوة تبطّئ الوصول، والأفضل يكون تحويل واحد مباشر للوجهة.
التحويل المؤقت
تحويل 302 يقول لجوجل إن النقل مؤقت، فممكن يبقي الرابط القديم في نتائجه بدل الجديد.
حلقات التحويل
رابط يرجع لنفسه بعد كم تحويل، فلا الزائر ولا جوجل يوصلون لأي صفحة.
نسخ الدومين
إذا متجرك يفتح على أكثر من نسخة بدون تحويل، جوجل ممكن يشوفها صفحات مكررة.
نقل المتجر
نقلت من منصة لمنصة؟ تأكد إن روابطك القديمة توصل للصفحات الصحيحة في المتجر الجديد، مو للرئيسية أو لصفحة خطأ.
أكواد الحالة اللي تهمك كصاحب متجر
كل رابط يرد على المتصفح وعلى جوجل برقم من ثلاث خانات، والرقم هذا يحدد وش يصير بعدها.
الصفحة شغالة
هذا اللي تبيه لكل صفحة تبيها تظهر في جوجل.
تحويل دائم
الصفحة انتقلت لرابط جديد للأبد. جوجل يعتمد الرابط الجديد مع الوقت، وهذا التحويل الصح لأغلب الحالات.
تحويل مؤقت
الصفحة انتقلت مؤقتاً. استخدمه بس إذا الرابط القديم بيرجع، مثل صفحة عرض موسمي.
الصفحة مو موجودة
الرابط ما يودي لشي. إذا كان للصفحة بديل، حوّلها له بتحويل 301.
محذوفة نهائياً
تقول لجوجل إن الصفحة انحذفت عن قصد وما راح ترجع، فيشيلها من نتائجه.
خطأ في السيرفر
المشكلة من الموقع نفسه مو من الرابط. إذا تكررت، جوجل يخفف زياراته لمتجرك.
أسئلة عن فحص التحويلات
وش الفرق بين 301 و302؟
301 تحويل دائم: تقول لجوجل إن الصفحة انتقلت للأبد، فيعتمد الرابط الجديد. و302 تحويل مؤقت: تقول له إن الصفحة القديمة بترجع، فممكن يبقيها في نتائجه. لما تحذف منتج أو تغيّر رابطه، استخدم 301.
ليش أختار Googlebot في الفحص؟
بعض المواقع ترد على جوجل بشكل مختلف عن الزوار. الأداة ترسل الطلب باسم Googlebot عشان تشوف كيف يرد موقعك عليه، لكن الطلب ما يجي من سيرفرات جوجل نفسها، فبعض أنظمة الحماية ممكن ترفضه.
ليش بعض الروابط تطلع 403؟
غالباً الموقع عليه حماية تمنع أدوات الفحص، وهذا ما يعني إن الصفحة معطلة عند الزوار أو عند جوجل. جرّب تفحصها باختيار متصفح بدل Googlebot.
كم تحويل مقبول للرابط الواحد؟
الأفضل تحويل واحد مباشر للوجهة. كل تحويل زيادة يبطّئ وصول الزائر وجوجل، والأداة تتتبع لين 10 تحويلات وبعدها توقف.
لقيت روابط معطلة في متجري. وش أسوي؟
حوّل كل رابط معطل لأقرب صفحة بديلة بتحويل 301، من إعدادات التحويل في منصة متجرك. وإذا الروابط كثيرة، أقدر أصلحها لك ضمن خدمة السيو الداخلي.
الروابط المعطلة تضيّع عليك زوار جاهزين للشراء.
أرسل لي رابط متجرك، وأفحص روابطه وأحوّل المعطل منها للصفحات الصحيحة.